शारदा नगरपालिका–६ मा दुई दर्जन बढी कार्यकर्ता नेकपा (एकीकृत समाजवादी) मा प्रवेश
सल्यान ३, माघ ।
नेपाल कम्युनिष्ट पार्टी (एकीकृत समाजवादी) मा प्रवेश गर्नेहरुको लहर नै लागेको छ । सल्यानका बिभिन्न स्थानमा भएका बिभिन्न कार्यक्रमहरुमा पार्टी प्रवेश गर्नेहरुको लहर नै लागेको हो । यसैक्रममा आइतवार शारदा नगरपालिका वडा नम्बर ६ को टाकुरा टोल भेला तथा पार्टी प्रवेश कार्यक्रममा दुइ दर्जन बढीले पार्टी प्रवेश गरेका छन् ।
भेलामा नेपाली काग्रेस परित्याग गरि प्रेमलाल परियार, राम वहादुर परियार, मान वहादुर परियार, लोक वहादुर खत्री, सुकलाल वढाथोकी, भिम वहादुर नेपाली सहित दुई दर्जनले नेकपा (एकीकृत समाजवादी) मा प्रवेश गरेका हुन् । वडा कमिटी अध्यक्ष डम्बर तिरूवाको अध्यक्षतामा भएको कार्यक्रममा पार्टी जिल्ला कमिटी सचिव रमेश गौतमको प्रमुख आतिथ्यता रहेको थियो ।
कार्यक्रमका पार्टी जिल्ला कमिटी सदस्य एववडा इन्चार्ज वुद्धिसिंह वुढाथोकी, जिल्ला कमिटी सदस्य प्रकाश नेपाली, नगर कमिटी सदस्य एव वडासचिव ओम प्रकाश वली, नगरकमिटी सदस्य दिल वहादुर परियार लगाएतले बोल्नुभएको थियो । भेलाले साविक कजेरी गाविसको वडा नंम्बर ५ खातिगाउ टोलमा अमर वहादुर खडकाको अध्यक्षता र साविक वडा नंम्बर ४ टाकुरा र वाहुनचौर टोलमा गोपाल नेपालीको अध्यक्षतामा पार्टी टोल कमिटी गठन गरेको छ ।
