निशुल्क आँखा जाँच शिबिरमा १ सय ८ जनाले सेवा लिए

सल्यान टुडे,
सल्यान २४, कार्तिक ।
एक दिने निशुल्क आँखा जाँच कार्यक्रम शनीबार सल्यानको डाँडागाउ स्वास्थ्य चौकीमा सम्पन्न भएको छ । नेपाल नेत्रज्योती संघ, सल्यान आँखा उपचार केन्द्र शितलपाटीको प्राविधिक सहयोग र शारदा नगरपालिका वडा नम्बर १४ र १५ को संयुक्त स्थानिय ब्यबस्थापनमा आँखा जाँच कार्यक्रम सम्पन्न भएको हो ।

आँखा जाँच कार्यक्रममा १ सय ८ जना आँखाका बिरामीको आँखा जाँच गरिएको थियो । जसमा महिला ६६ जना र ४२ जना पुरुषको आँखा जाँच गरिएको थियो । आँखा जाँचका क्रममा ३४ जनामा मोतियाबिन्दु भएको पाईएको छ ।

आँखा जाँच गराएका अन्यमा सामान्य आँखा रातो हुने, आँखा चिलाउने, आँखा सुख्खा हुने, चस्मा लगाउनु पर्ने, आँखा पाक्ने बिरामीहरुलाइ निशुल्क औषधी बितरण गरिएको थियो । मोतियाबिन्दु भएका बिरामीहरुलाइ आगामी मंसिर २ र ३ गते सल्यान आँखा उपचार केन्द्र शितलपाटीमा हुने २ दिने निशुल्क आँखा शिबिरमा अप्रेशनको लागि बोलाएको छ ।

आँखा जाँच कार्यक्रममा नेत्र सहायक नबिना चौधरी र वरिष्ठ नेत्र स्वास्थ्य कर्यकर्ता पदम राज पन्तले आँखा जाँच गर्नुभएको थियो । यसैबिच शारदा नगरपालिका ७ कजेरीमा आइतबार निशुल्क आँखा शिबिर सञ्चालन हुदैँ छ ।