नेकपा एकीकृत समाजवादीको भेला दमाचौरमा : ‘झन् बलियो हुदैँ पार्टी’
सल्यान ११, कार्तिक ।
नेकपा एकीकृत समाजवादीको वडा स्तरीय भेला जिल्लाको छत्रेश्वरी गाउँपालिका वडा नम्बर १ को दमाचौरमा अगुवा कार्यकर्ता भेला तथा प्रशिक्षण कार्यक्रम सम्पन्न भएको छ । भेलाले लेख बहादुर चन्दको अध्यक्षतामा नयाँ वडा कमिटी चयन गरेको छ । कार्यक्रममा बोल्दै प्रमुख अतिथि तथा पार्टीका केन्द्रिय उपमहासचिव प्रकाश ज्वालाले पार्टीलाई बलियो बनाउनको लागि सबै नेता कार्यकर्ता एक भएर अगाडी बढ्नुपर्ने बताउनुभएको छ ।
कार्यक्रममा पार्टीका जिल्ला इन्चार्ज तथा जिल्ला अध्यक्ष उदय बहादुर बोहरा, सहइन्चार्ज शारदा परियार, पार्टीका नेताहरु हरि केसी, राज बहादुर बुढाथोकी, रमेश गौतम, भोला केसी, गोबिन्द केसी, बुद्धा केसी, रेमन्त डिसी, न्युटन श्रेष्ठ लगाएतकाले बोल्नुभएको थियो ।
यसैविच केही समय अघि दमाचौरमा पार्टी छोडेर नेकपा एमालेमा लागेका भनेर आरोप लागेका नेता कार्यकर्ता समाजवादीको कार्यक्रममा सहभागि भएका छन् । यसले पार्टी झन् बलियो भएको जनाइएको छ ।
