नेकपा एमालेका नेता वली एकीकृत समाजवादीमा प्रवेश
सल्यान, २ बैशाख ।
सल्यानमा नेकपा एमालेका नेता नेकपा एकीकृत समाजवादीमा प्रवेश गर्नुभएको छ । जिल्लाको सदरमुकाम खलंगामा आयोजित एक कार्यक्रममा एमालेको छत्रेश्वरी गाउँ कमिटी सदस्य तथा छत्रेश्वरी गाउँपालिका वडा नम्बर ५ लेखपोखराको टोल नं. १ को इन्चार्ज चेत बहादुर वली एकीकृत समाजवादीमा प्रवेश गर्नुभएको हो ।
वलीलाई पार्टीका केन्द्रिय उपमहासचिव तथा कर्णाली प्रदेश इन्चार्ज प्रकाश ज्वालाले टिका र माला लगाएर पार्टीमा स्वागत गर्नुभएको छ । सो अवशरमा पार्टीका जिल्ला अध्यक्ष हरि केसी, पार्टी सचिव रमेश कुमार गौतम, छत्रेश्वरी गाउँ कमिटी अध्यक्ष गोविन्द केसी, छत्रेश्वरी गाउँपालिका ५ का वडा कमिटी अध्यक्ष याम बहादुर पुन लगाएतको उपस्थिती रहेको थियो ।
प्रतिक्रिया दिनुहोस
संबन्धित समाचार
भर्खरै प्रकाशित