आज कुकुर तिहार

सल्यान टुडे

कार्तिक १० सल्यान

यमपञ्चकको दोस्रो दिन आज घरघरमा कुकुरको पूजा मीठामीठा खानेकुरा खान दिएर सम्मान गरी मनाइँदैछ ।

यमपञ्चकको दास्रो दिन कुकुर तिहार मनाइने भए तापनि यसपटक भने यमपञ्चकको तेस्रो दिन परेको हो।

कार्तिक कृष्ण चतुर्दशीका दिन कुकुरलाई मीठामीठा परिकार खान दिइ यमराजको ढोकामा द्वारपालका रूपमा बस्ने श्याम र सबल नामका कुकुरले यमलोक जाँदा बाटो छोडिदिने धार्मिक विश्वासका आधारमा कुकुर तिहार मनाउने गरिएको हो

यस पटक चतुर्दशी बिहान ११ः५० सम्म छ र कुकुर पूजा बिहानको पूजा भएकोले यस दिन गर्नुपर्ने नेपाल पञ्चाङ्ग निर्णायक समितिले जनाएको छ।

यस दिन कुकुरलाई माला लगाई, मीठा–मीठा खानेकुराहरू दिई पूजा गरिन्छ।

शास्त्रअनुसार विशेषतः मृत्युसँग सम्बन्धित कार्यमा काग र कुकुर दुबै पूजनीय छन्। यमपञ्चकका अवसरमा यमराजको पृथ्वीमा आगमनका क्रममा दुबैलाई पूजा गर्ने चलन रहिआएको हो।

यसै राति औँशी तिथि पनि परेकोले नेपाल पञ्चाङ्ग निर्णायक समितिले यसै राति लक्ष्मीपूजा पनि तोकेको छ। नरक चतुर्दशी पनि रातिको पर्व हो र नरक चतुर्दशी तथा लक्ष्मीपूजा सँगै जनाइएकोले पनि यसबारे विवाद भएको हो।

प्रतिक्रिया दिनुहोस
भर्खरै प्रकाशित