ससुराली जाने क्रममा भिरबाट लडेर मृत्यु
शंकर केसी, सल्यान टुडे,
सल्यान ३, मंसिर ।
सल्यानका एक जनाको भिरबाट लडेर मृत्यु भएको छ । जिल्लाको कपुरकोट गाउँपालिका वडा नम्बर १ उनवाङका २३ वर्षिय गोपाल रानाको ससुराली जाने क्रममा भिरबाट लडेर रोल्पामा मृत्यु भएको हो ।
सोमबार रोल्पाको रुन्टीगडी गाउँपालिका ८ स्थित ससुराली घर हिडेका गोपाल मंगलबार विहान रुन्टीगडीकै धुम्का भीरमा मृत अवस्थामा भेटिएको कपुरकोट १ का वडा अध्यक्ष बालाराम खड्काले जानकारी दिए । मोटरबाटोबाट करिव २ सय मिटर तल भिरमुनी उनको शव भेटिएको हो । उनको शव मंगलबार विहान स्थानीयहरुले देखेका थिए ।
घटनाका बिषयमा थप अनुसन्धान भैहरेको प्रहरीले जनाएको छ ।
प्रतिक्रिया दिनुहोस
संबन्धित समाचार
भर्खरै प्रकाशित