नेपाल पत्रकार महासंघ सल्यानको २५ औँ स्थापना आज

सल्यान टुडे,
सल्यान ४,मंसिर ।
नेपाल पत्रकार महासंघ जिल्ला शाखा सल्यानले आफ्नो स्थापना दिवश मनाउने तयारी गरेको छ । जिल्ला शाखा स्थापनाको अबशर पारेर आज २५ औँ स्थापना दिवश मनाउने भएको हो । स्थापना दिवशको अबशरमा महासंघको भवन खलंगामा बिहान कार्यक्रमको आयोजना गरिएको महासंघका जिल्ला अध्यक्ष प्रतिक इच्छुक शर्माले जानकारी दिनुभयो ।

स्थापना दिवशको अबशरमा बिहान ८ बजे कार्यक्रम गरिने छ । सो अबशरमा सरोकारवालाहरु सँग छलफल तथा अन्र्तक्रिया कार्यक्रम गर्ने तयारी रहेको उहाँको भनाई छ । यस्तै स्थापना दिवश कै दिनमा महासंघ सल्यानको पूर्ण बैठक बस्ने मिति र स्थान तय हुने छ ।

स्थापना दिवशको अबशरमा बिहान हुने कार्यक्रममा सहभागिताको लागी उपस्थित हुन कार्यसमिती, सल्लाहकार, पार्षद, साधारण सदस्य, सञ्चारकर्मी लगाएत सरोकारवाला सबैमा आग्रह नेपाल पत्रकार महासंघ सल्यानले आग्रह गरेको छ । २०५२ साल मंसिर ४ गते जिल्ला शाखा गठन गरिएको थियो ।