बिद्यालयलाई ६ सय वाटको सोलार हस्तान्तरण

सल्यान २५, मंसिर ।
सल्यानको शारदा नगरपालिका वडा नम्बर ७ कजेरी ओख्रेनीमा रहेको जनबिकाश आधारभूत बिद्यालयलाई सोलार हस्तान्तरण गरिएको छ । शारदा नगरपालिका वडा नम्बर ७ को सहयोगमा बिद्यालयलाई ६ सय वाटको सोलार बितरण गरिएको हो । वडा कार्यालयको चालु आर्थिक बर्ष २०७६÷०७७ को बजेट रु. १ लाख ५० हजारमा सोलार खरिद गरिएको हो ।

बिद्यालयका प्रधानाध्यापक शारदा राणाको अध्यक्षतामा भएको सोलार हस्तान्तरण कार्यक्रममा शारदा नगरपालिका वडानम्बर ७ का वडाअध्यक्ष लिला बहादुर रोकाको प्रमुख आतिथ्यता रहेको थियो । सो अबशरमा बोल्दै वडाअध्यक्ष रोकाले बिद्यालयमा बिद्युक्तिय उपकरणहरु सञ्चालन गर्नको लागी सोलार उपयोगी बन्ने बताउनुभयो ।

उहाँले बिद्यालयमा अडियो भिडियो माध्ययमबाट पठनपाठन गर्ने र बिद्यालयको शैक्षिक गुणस्तर सुधार गर्ने उद्धेश्यले सोलार हस्तान्तरण गरिएको बताउनुभयो । कार्यक्रमको सञ्चालन शिक्षक उदय रकालले गर्नुभएको थियो ।