भिरबाट लडेर सल्यानमा एक जना गम्भीर घाइते, उपचारको लागि नेपालगन्ज रिफर ।

संन्जिव लामिछाने,

सल्यान ४ पौष
सल्यानमा भिर बाट लडेर एक जना गम्भीर घाईते भएका छन । जिल्लाकों कुमाख गाउँपालिका वडा न ५ बस्ने बर्ष ६५ को मानसिह बुढाथोकी घाइते भएका हुन ।

बिहीवार देखि हराएका उनको खोजिकार्य गर्दा घाइते अबस्थामा भेटिएका हुन । घरपरिवारले खोजी कार्य गरिदिन आग्रह गरेपछि ईलाका प्रहरी कार्यालय रागेचौरका प्रहरी सहायक निरिक्षक यज्ञ बहादुर मल्ल को कमाण्डमा खटिएको प्रहरी टोलिले कुमाख (५ को काफ्ले भिर बाट करिब १२०० मिटर तल खसेको अबस्थामा फेला पारेको थियो । उनको त्यहा बाट उद्दार गरेर उपचारको लागि मेसिन हस्पिटल चौरजहारी लगिएको थियो । तर त्यहा उपचार सम्भव नभएपछी थप उपचारको लागि नेपालन्ज पठाइएको वडाअध्यक्ष धर्मे बुढाथोकीले जानकारी दिनुभयो ।