सल्यान जेसिसद्धारा धुर्मुस सुन्तली फाउण्डेशनलाई आर्थिक सहयोग

डम्बर केसी,
सल्यान १३, पौष ।
सल्यान जेसिसले चितवनमा निर्माणाधिन गौतमबुद्ध अन्र्तराष्ट्रिय क्रिक्रेट रंगशालालाई आर्थिक सहयोग गरेको छ । चितवनमा नै पुगेर सल्यान जेसिसले धुर्मुस सुन्तली फाउण्डेशनका अध्यक्ष सिताराम कट्टेल ‘धुर्मुस’ लाई आर्थिक सहयोग हस्तान्तरण गरेको हो ।

शनिवार धुर्मुस सुन्तली फाउण्डेसनलाई ११ हजार १ सय ११ रुपैँया आर्थिक सहयोग गरेको सल्यान जेसिसका अध्यक्ष राजेन्द्र कुमार थापाले जानकारी दिनुभयो । चितवनमा निर्माणाधिन गौतमबुद्ध अन्र्तराष्ट्रिय क्रिक्रेट रंगशाला गौरवको आयोजना भएकाले यसलाई सफलतापूर्वक सम्पन गर्नको लागी आर्थिक सहयोग गरिएको सल्यान जेसिसले जनाएको छ ।