रचना बाचन कार्यक्रम खलंगामा सम्पन्न
सल्यान १९, पौष ।
सल्यानमा साहित्यिक रचना बाचन कार्यक्रम सम्पन्न भएको छ । समाजबाद अध्ययन केन्द्र सल्यानको आयोजनामा शनीबार सल्यान खलंगामा रचना बाचन कार्यक्रम सम्पन्न भएको छ । केन्द्रका अध्यक्ष गणेशमान सिंहको अध्यक्षतामा भएको कार्यक्रममा स्रष्टाहरुले आ आफ्ना रचनाबाचन गरेका थिए ।
स्रष्टा बिरेन्द्र रावत, मौसमदाश श्रेष्ठ, प्रविन भण्डारी र सिर्जना बिष्टले आ आफ्ना रचनाबाचन गरेका थिए । जसमा कबिता, गजल, मुक्तक आदी समाबेश गरिएको थियो । सरकारले घोषणा गरेको नेपाल भ्रमण बर्ष २०२०, देशभक्ति लगाएतका रचनाहरु बाचन गरिएको थियो ।
ती रचनाहरु माथी टिप्पनी गर्दै नेपाल पत्रकार महासंघ सल्यानका अध्यक्ष प्रतिक ईच्छुक शर्माले समय सान्दर्भिक रचनाहरु स्रष्टाले बाचन गरेको बताउदैँ यस क्षेत्रमा निरन्तर कमल चलाउन सुझाव दिनुभयो । केन्द्रका उपाध्यक्ष धनसरा मल्लको स्वागत मन्तब्यबाट शुरु भएको कार्यक्रमको सञ्चालन भुम प्रकाश भण्डारीले गर्नुभएको थियो ।
