सल्यानमा भिरबाट लडेर २ जनाको मृत्यू

सल्यान २६, पुस ।
सल्यानमा भिरबाट लडेर २ जनाको मृत्यू भएको छ । जिल्लाको दार्मा गाउपालिकाका बिभिन्न स्थानमा भिरबाट लडेर २ जनाको मृत्यू भएको हो । शनीबार बिहान ६ बजे तीर दार्मा गाउपालिकाको वडा नम्बर ४ मसिने निवासी अन्दाजी ५५ बर्षिय दल बहादुर बोहराको भिर बाट लडेर मृत्यू भएको जिल्ला प्रहरी कार्यालय सल्यानले जनाएको छ ।

उनको सोही ठाँउ निवासी लाखुरे डाँडाको भित्री सडक खण्डको भिरबाट लडेर मृत्यू भएको हो । उनको शव करिब १५ मिटर तल भेटिएको थियो । अत्यधिक मदिरा सेवन गरेका कारण उनको मृत्यू भएको प्रहरीले जनाएको छ । उनको शवको पोष्टमार्टम पश्चाप शव आफन्तले बुझेका छन् ।

तस्वीर फाईल
यस्तै दार्मा गाउपालिका वडा नम्बर ४ सर्सुखोला निवासी २४ बर्षिय गणेश रावतको पनि भिरबाट लडेर मृत्यू भएको प्रहरीले जनाएको छ । बिहीबार देखी हराएका उनको खोजी गर्दा शनीबार बिहान ११ बजे तीर भैँसी टाकुरी भिरमा शव फेला परेको थियो ।

उनले बिगत देखी नै मदिरा सेवन गर्ने गरेको परिवारले बताएकाले मदिरा सेवनका कारण भिर बाट लडेर उनको मृत्यू भएको हुन सक्ने प्रहरीले अनुमान गरेको छ । उनको शवलाई पोष्ट मार्टमका लागी जिल्ला अस्पताल सल्यानमा ल्याईएको छ ।