‘शैक्षिक क्षेत्रको बिकास विना गरिने बिकास अधुरो हुन्छ’ : शाह
सल्यान २६, माघ ।
कर्णाली प्रदेशका प्रदेशसभा सदस्य गुलावजंग शाहले बिकासको पहिलो आधार शिक्षा भएको बताउनुभएको छ । उहाँले शिक्षा नै बिकासको मुल आधार भएकोले शैक्षिक क्षेत्रको बिकास बिना गरिने बिकास अधुरो हुने बताउनुभएको हो । महेन्द्र आदर्श माद्यामिक बिद्यालय बाँझकाडा सल्यानको ६ कोठे बिद्यालय भवनको आईतबार शिलन्यास गर्दै उहाँले यस्तो बताउनुभएको हो ।
सल्यान प्रदेश सभा क बाट निर्वाचित प्रदेश सभा सदस्य शाहले शिक्षा क्षेत्रलाई पहिलो प्राथामिकतामा राखेर प्रदेश सरकारले काम गरिरहेको बताउनुभयो । जव सम्म बिद्यालयमा भौतिक पूर्वाधारको बिकास हुदैन्, त्यस बेला सम्म शैक्षिक गुणस्तर सोचे जस्तो हुदैन्, उहाँले भन्नुभयो सोही कुरालाई ध्यानमा राखेर प्रदेश सरकारले बिद्यालय भवन निर्माणको लागी बजेट विनियोजन गरेको हो । उहाँले शैक्षिक उन्नतीको लागी प्रदेश सरकारलाई आबश्यक वजेट विनियोजनमा पहल गर्ने बताउनुभयो ।
