घाँटीको श्वास नलि काटिएको अबस्थामा युवतीको शव, हत्याको आशंका, अनुसन्धानका लागी कुकुर ल्याईदैँ

सल्यान ३, फागुन ।
सल्यानमा घाँटीको श्वास नलि काटिएको अबस्थामा एक युवती मृत फेला परेकी छिन् । जिल्लाको त्रिबेणी गाउपालिका वडा नम्बर १ तल्लो काभ्रा निवासी अन्दाजी १६÷१७ बर्षिया कविता बोहराको घाँटीको श्वास नलि काटिएको अबस्थामा मृत फेला परेको जिल्ला प्रहरी कार्यालय सल्यानले जनाएको छ ।

आज बिहान १÷२ बजेको घटना हुनसक्ने र बिहान ३ बजे मात्रै प्रहरीलाई खबर आएको सल्यान प्रहरी प्रमुख ढकेन्द्र खतिवडाले जानकारी दिनुभयो । “घर देखी करिब १५÷२० मिटर टाढा गाईबस्तु बाँध्ने खुल्ला भकारोमा मृत अबस्थामा शव छ, घटना स्थलमा ईलाका प्रहरी कार्यालय लुहामको टोली खटिएको छ” प्रहरी नायव उपरिक्षक खतिवडाले भन्नुभयो “हत्याको आशंका गरिएको छ, अनुसन्धानको लागी नेपालगञ्जबाट कुकुर सहितको टोली आउदैँ छ ।”

घटनाको बिषयमा आबश्यक अनुसन्धान भैहरेको प्रहरीको भनाई छ ।