कोरोनाको त्रास : सल्यानको श्रीनगरमा मास्क बितरण (फोटो सहित)

डम्बर केसी,
सल्यान १०, चैत ।
सल्यानको श्रीनगर बजारमा मास्क बितरण गरिएको छ । कोरोना भाइरसको त्रास बढ्दै गएको बेला आज सोमवार जिल्लाको शारदा नगरपालिका १ श्रीनगरमा सर्वसाधारणलाई मास्क बितरण गरिएको हो ।

सल्यान जेसिजको आयोजना र हजुरको कपडा एण्ड शृंगार पसलका सञ्चालक मोहम्मद रसिद मियाको सौजन्यमा मास्क बितरण गरिएको हो । श्रीनगर बजारको वसपार्क देखी सल्यान खलंगा–रुकुम ट्राफिक चोकसम्म पुगेर मास्क बितरण गरिएको सल्यान जेसिसका अध्यक्ष घनश्याम अधिकारीले जानकारी दिनुभयो ।

जस अन्र्तगत करिब १ हजार पिस मास्क बितरण गरिएको उहाँको भनाई छ । सो अबशरमा शारदा नगरपालिका र सल्यान जेसिस तथा देवी स्टोरले तयार पारेका सचेतनामुलक पोष्टरहरु पनि वितरण गरिएको छ । मास्क तथा पोष्टर वितरण कार्यक्रममा जेसिसका पदाधिकारी लगाएतको सहभागिता रहेको थियो ।