रेडियो तहल्का एफ.एम. आज देखी छैटौँ बर्षमा प्रवेश

सल्यान २१, चैत ।
सल्यानको खलंगाबाट प्रशारण भैरहेको रेडियो तहल्का एफ.एम. आज देखी छैटौँ बर्षमा प्रवेश गरेको छ । उज्यालो सञ्चार केन्द्रद्धारा सञ्चालित रेडियो तहल्का एफ.एम.ले आजकै दिन २०७१ चैत्र २१ गते ९१ थोप्लो ९ मेगाहर्जमा आफ्नो प्रशारण आरम्भ गरेको थियो ।

५ बर्ष पुरा भई ६ बर्ष प्रवेशको अवसरमा रेडियोले संचारमाध्यामको प्रयोग गर्दै छैठौं बर्षिकोत्सव मनाएको हो । रेडियोले जिल्लाबाट प्रतिनिधित्व गर्ने सबै तहका जनप्रतिनिधि तथा विभिन्न पत्रकार संग संघसंस्थाका शुभकामना सन्देश रेडियोबाट प्रशारण गरेको उज्यालो सञ्चार केन्द्रका अध्यक्ष डिल्लीराज रावतले जानकारी दिनुभयो ।

विश्व नै कोरोनाको त्रासमा हुदा देश लकडाउनमा परेको समयमा रेडियोले औपचारीक कार्यक्रम नगरे पनि बार्षिकोत्सवलाइ भव्य बनाएको उहाँको भनाई छ । रेडियोका अध्यक्ष डिल्लीराज रावतले ६ बर्ष प्रवेशको अवसरमा एक सन्देश व्यक्त गदै सबैमा शुभकामना व्यक्त गर्नुभएको छ ।