बनगाड कुपिण्डेको निगालचुलामा वर्थिङ सेन्टर स्थापना

सल्लीवजार १३, आषाढ ।
सल्यानको बन्गाड कुपिण्डे नगरपालिकाको अतिविकट क्षेत्र निगालचुलामा वर्थिङ सेन्टर स्थापना गरिएको छ । निगालचुला स्वास्थ्य चौकीमा शुक्रवार वडाअध्यक्ष गोविन्द डाँगीले उक्त सेन्टरको उद्घाटन गर्नुभएको हो । प्रसुती सेवा सञ्चालन भएसँगै अब यहाँका महिलाहरु सामान्य उपचार तथा चेकजाँचका लागि टाढा जानुपर्ने समस्या दुर भएको डाँगीको भनाइ छ ।

लामो समयको प्रयास पछि बनगाड कुपिण्डे नगरपालिकाले अनमीको व्यवस्थापन गरेसँगै सेवा सुचारु भएको छ । नगरको अत्यन्तै दुर्गम क्षेत्रमा यो सुचारु पछि स्थानीय खुसी वनेका छन् । प्रसुतिका लागि टाढा जानुपर्ने अवस्थाको अब अन्त्य भएको उनीहरुको भनाइ छ ।