सल्यानमा बोलेरो गाडी र मोटरसाइकल ठोक्किएर दुर्घटना : थप उपचारको लागी घाइतेलाई नेपालगन्ज पठाइयो
सल्यान ७, साउन ।
सल्यानमा बोलेरो गाडी र मोटरसाइकल एकआपसमा ठोक्किएर दुर्घटना हुदाँ एक जना घाइते भएका छन् । जिल्लाको श्रीनगर–खलंगा सडक खण्डको मैसेपानी क्षेत्रमा आज दिउँसो करिब १ वजेतीर भएको दुर्घटनामा परेर जिल्लाको शारदा नगरपालिका १ का २५ बर्षिय मोटरसाईकल चालक घनश्याम न्यौपाने घाईते भएको प्रहरीले जनाएको छ ।
श्रीनगरबाट खलंगा आउदैँ गरेको रा ५ प ६८०१ नम्वरको मोटरसाइकल र खलंगा देखी श्रीनगर तर्फ जादैँ गरेको भे १ च १२९९ नम्वरको बोलेरो पिकअप एकआपसमा ठोक्किएर दुर्घटना भएको सल्यान प्रहरी प्रमुख, डिएसपि ढकेन्द्र खतिवडाले जानकारी दिनुभयो ।
घाइते मोटरसाइकल चालकलाई सल्यान जिल्ला अस्पतालमा प्राथामिक उपचार पश्चात थप उपचारको लागी नेपालगन्ज रिफर गरिएको छ । उनको दुवै खुट्टा भाँचिएको जनाएको छ । अहिले गाडी र गाडी चालक दुबैलाई प्रहरीले नियन्त्रणमा लिएको छ । घटनाको बारेमा थप अनुसन्धान भैरहको जिल्ला प्रहरी कार्यालय सल्यानले जनाएको छ ।
