सल्यानको पश्चिमी क्षेत्रमा रहेको सल्लीवजारको सरसफाई

दुर्गा बिसी,

सल्यान ६, कात्तिक ।
सल्यानको पश्चिमी क्षेत्रमा रहेको सल्लिवजारको सरसफाइ गरिएको छ । नेपाल तरुण दल बनगाड कुपिण्डे नगरपालिका कार्य समितीको आयोजनामा आज सल्लीवजारको सरसफाई गरिएको हो । सरसफाई अभियानमा तरुण दलमा आवद्ध युवा तथा स्थानियतको सहभागिता रहेको तरुण दल बनगाड कुपिण्डे नगर अध्यक्ष विजय बस्नेतले जानकारी दिनुभयो ।

यस्तै अभियानमा नगर सभापति टोपवहादुर भण्डारी, जिल्ला कार्य समिति सदस्य दुर्गा खड्का, नगर शिक्षक संघका सुरेन्द्र खड्का, पुरुषोत्तम आचार्य लगाएतको सहभागिता रहेको थियो । उनीहरुले बजार तथा नालीहरुको सरसफाई गर्दै आगामी दिनहरुमा जथाभावी रुपमा फोहोर नफाल्न स्थानियलाई आग्रह समेत गरेका छन् ।