जिल्ला प्रशासन कार्यालय सल्यानबाट प्रदान गरिने सेवा आज देखी एक साताको लागी स्थगित

सल्यान १३, कात्तिक ।
जिल्ला प्रशासन कार्यालय सल्यानले कार्यालयबाट प्रदान गरिने सम्पुर्ण सेवा एक साताको लागी स्थगित गरिएको जनाएको छ । जिल्ला प्रशासन कार्यालयमा कार्यरत कर्मचारीमा कोरोना भाइरस संक्रमण पुष्टि भएपछि कार्यालयबाट प्रदान गरिने नागरिकता लगाएतका सम्पूर्ण सेवा आज कात्तिक १३ गते देखी कात्तिक २० गते सम्म स्थगित गरिएको हो ।

जिल्ला प्रशासन कार्यालयमा कार्यरत बिभिन्न कर्मचारीहरुको बिभिन्न मितीमा संकलित स्वावको पिसिआर परिक्षण गर्दा केही कर्मचारीमा कोरोना संक्रमण देखिएको र जिल्ला प्रशासन कार्यालयमा सेवाग्राहीको भिडभाड हुने भएकाले यसले झन् कोरोना भाइरस सर्ने उच्च जोखिम भएकाले एक साताका लागी सेवाहरु बन्द गरिएको जिल्ला प्रशासन कार्यालय सल्यानले एक सुचना जारी गरेर जानकारी दिएको छ ।

सहायक प्रमुख जिल्ला अधिकारी नारायण लामिछानेले जिल्ला प्रशासन कार्यालयबाट प्रदान गरिने शान्ति सुरक्षा, मुद्धाको सुनुवाई तथा बिपद् ब्यबस्थापन सम्बन्धी बाहेकका अरु सबै सेवाहरु स्थगित गरिएको जानकारी दिनुभयो । उहाँले कोरोना भाइरसको जोखिम उच्च भएकाले आबश्यक साबधानी अपनाउन जिल्लाबासीमा आग्रह समेत गर्नुभएको छ । कोरोना पोजिटिभ देखिएका ती कर्मचारीहरुलाई आइसोलेसनमा राखिएको छ ।

जिल्ला प्रशासन कार्यालयद्धारा जारी सुचना

 

 

प्रतिक्रिया दिनुहोस
भर्खरै प्रकाशित