कपुरकोटमा पशु विकास कार्यक्रमका बारेमा छलफल

जीत प्रसाद आचार्य,
सल्यान २५, माघ ।
सल्यानको कपुरकोटमा पशु विकास कार्यक्रमका बारेमा छलफल गरिएको छ । कपुरकोट गाउँपालिका वडा नम्बर २ र ३ का जनजागरण कृषि तथा पशुपालन कृषक समुह र पशु अस्पताल तथा पशुसेवा कार्यालय सल्यानका बिचमा अनुदान कार्यक्रम पशु बिकास कार्यक्रमका बारेमा शनिवार छलफल गरिएको हो ।
जनजागरण कृषि तथा पशुपालन समुहका अध्यक्ष शेर बहादुर पुनको अध्यक्षतामा भएको कार्यक्रममा पशु अस्पताल तथा पशुसेवा कार्यालय सल्यानका प्रमुख कपिल प्रसाद उपाध्याय, कपुरकोट गाउँपालिका उपाध्यक्ष तिला बुढा मगर, वडा अध्यक्ष मान बहादर राणा, साना किसान कृषि सहकारीका ऋण सहायक जित प्रसाद आचार्य, गाउँ कार्यपालिका सदस्य ललिता गिरी, वडा सदस्य तेज बहादुर थापा लगाएतको सहभागिता रहेको थियो ।
सो अबशरमा सहभागिताहरुले ब्यवसायिक पशुपालनमा अग्रसर बनेर आर्थिक उपार्जनमा सक्रिय बन्न कृषकहरुलाई आग्रह गरेका थिए । कार्यक्रममा पशुपालन, पशु उत्पादन तथा पशुउपचार, पशु आहार लगाएतका बिषयमा छलफल भएको थियो । कार्यक्रमको सहजीकरण समुहका सचिव खडगश्वर थापाले गर्नु भएको थियो ।