साना किसान सहकारीको अर्धवार्षिक प्रगति समिक्षा सल्यानको श्रीनगरमा सम्पन्न

जीत प्रसाद आचार्य,
सल्यान १४, फाल्गुन ।
सल्यान जिल्लामा रहेका साना किसान कृषि सहकारी संस्थाहरूको अर्धवार्षिक प्रगति समिक्षा कार्यक्रम सम्पन्न भएको छ । साना किसान विकास लघुवित्त वित्तीय संस्था लिमिटे सुर्खेतको आयोजनामा चालु आर्थिक बर्ष २०७७÷०७८ को अर्धवार्षिक प्रगति समिक्षा कार्यक्रम श्रीनगरमा बिहीवार सम्पन्न भएको हो ।
सल्यान जिल्लामा रहेका साना किसान कृषि सहकारी संस्थाले आफनो प्रगति रिपोर्टिङ गरेका थिए भने कपुरकोट साना किसान कृषि सहकारी संस्थाको अर्धबार्षिक प्रगति जीत प्रसाद आचार्यले प्रस्तुत गर्नुभएकोको थियो । यस्तै सुर्खेत कार्यालयको प्रगति प्रबन्धक राजेन्द्र भण्डारीले प्रस्तुत गर्नुभएको थियो ।

बिसेश्वर प्रसाद नेपालको स्वागत मन्तव्यबाट शुरु भएको कार्यक्रमको सहजीकरण सुर्खेत कार्यालयका सहायक प्रबन्धक बिजय रेश्मी मगरले गर्नु भएको थियो । कार्यक्रममा सुर्खेत जिल्ला साना किसान कृषि सहकारी संस्था लिमिटेडका बरिष्ठ प्रबन्धक चित्र प्रसाद रेग्मी, तथा दाङ जिल्लाका साना किसान कृषि सहकारी संस्थाका अभियन्ता चिरिन्जिवी केसीले संस्थागत बिकासका बारेमा जानकारी प्रदान गर्नुभएको थियो ।