सल्यानमा थप एक कोरोना संक्रमितको मृत्यु : ४५ जनामा संक्रमण पुष्टि

सल्यान १७, जेठ ।
सल्यानमा पछिल्लो समय १६ जनाले कोरोना भाइरसलाई जितेर डिस्चार्ज भएका छन् । पछिल्लो २४ घण्टामा जिल्लाभर गरेर १६ जनाले कोरोना भाइरसलाई जितेर डिस्चार्ज भएको स्वास्थ्य सेवा कार्यालय सल्यानले जनाएको छ । यससँगै बैशाख यता जिल्लामा कोरोनालाई जितेर डिस्चार्ज हुनेको संख्या ८ सय ५१ पुगेको छ ।
यसैविच पछिल्लो २४ घण्टामा जिल्लाभर थप ४५ जनामा कोरोना भाइरसको संक्रमण पुष्टि भएको छ । जिल्लामा १९८ जनाको एन्टिजेन परिक्षणका क्रममा ४५ जनामा संक्रमण पुष्टि भएको हो । यससँगै जिल्लामा कोरोनाका संक्रिय संक्रमितको संख्या ८ सय १९पुगेको छ ।

यस्तै जिल्ला अस्पताल सल्यानमा १० जना, संस्थागत आइसोलेसनमा २३ जना र होमआइसोलेसनमा ८ सय १९ जना रहेको स्वास्थ्य सेवा कार्यालय सल्यानले जनाएको छ । पछिल्लो २४ घण्टामा जिल्लामा थप १ जना कोरोना संक्रमितको मृत्यु भएको छ । योसँगै कोरोनाबाट मृत्यु हुनेको संख्या ४५ पुगेको छ ।