सल्यानमा नेपाल कम्युनिष्ट पार्टी (एकीकृत समाजवादी) को पार्टी कार्यालय स्थापना

सल्यान १२, कार्तिक ।
सल्यानमा नेपाल कम्युनिष्ट पार्टी (एकीकृत समाजवादी) को कार्यालय स्थापना गरिएको छ । जिल्लाको सदरमुकाम खलंगामा शुक्रवार पार्टीका केन्द्रिय उपमहासचिव प्रकाश ज्वालाले पार्टी कार्यालयको उद्घाटन गर्नुभएको हो । नेकपा एमालेका अध्यक्ष केपि शर्मा ओलीले एकलौटी, स्वेच्छाचारी र प्रतिगामी कदम चालेको भन्दै नेता माधव कुमार नेपालले नयाँ पार्टी निर्माण गरेपछि सल्यानमा पनि पार्टी कार्यालय स्थापना गरिएको हो ।

जिल्लाको सदरमुकाम खलंगा स्थित पुरानो बसपार्क नजिकैँ एक घर भाडामा लिएर पार्टी कार्यालय स्थापना गरिएको हो । पार्टीको कार्यालय स्थापना सँगै अब भने पार्टीका हरेक गतिविधि पार्टी कार्यालयबाट नै सञ्चालन गरिने जनाइएको छ । यसले पार्टीको संगठन निर्माण, पार्टीका आन्तरिक गतिविधिलाई अगाडी बढाउन सहज हुने पार्टीले जनाएको छ ।