सल्यानमा जंगली जनावरले खाएको अवस्थामा एक पुरुषको शव फेला

सल्यान ३, पुस ।
जंगली जनावरले खाएको अवस्थामा सल्यानमा एक पुरुषको शव फेला परेको छ । जिल्लाको कुमाख गाउँपालिका वडा नम्बर ७ जिमाली बस्ने ६० वर्षीय गंगाराम नाथको शव जंगली जनावरले खाएको अवस्थामा परेको जिल्ला प्रहरी कार्यालय सल्यानले जानकारी दिएको छ ।

गत मंसिर १२ गते घरबाट निस्किएका नाथको शव सोहि गाउँपालिकाको काउलेखोलामा आज दिउँसो फेला परेको प्रहरीले बताएको छ । जंगली जनावरले खाएको अवस्थामा कंगाल मात्रै फेला परेको छ । उक्त घटनाका बारेमा थप अनुसन्धान गरिरहेको जिल्ला प्रहरी कार्यालय सल्यानले जानकारी दिएको छ ।