सल्यानमा एमाले परित्याग गरी एक दर्जन बढी एकीकृत समाजवादीमा प्रवेश

सल्यान, २५ कार्तिक ।
सल्यानमा नेकपा एमाले परित्याग गरेर एक दर्जन बढी नेकपा एकीकृत समाजवादीमा प्रवेश गरेका छन् । बिहीबार जिल्लाको त्रिबेणी गाउँपालिका १ काभ्रा घोडामारेका एक दर्जन बढीले नेकपा एमाले परित्याग गरेर नेकपा एकीकृत समाजवादीमा प्रवेश गरेका हुन् ।

जसमा हिमलाल खत्री, दौलत खड्का, भिम वहादुर खड्का, जोग वहादुर विक, तुलाराम भण्डारी, माया रेउले, मिना खड्का, टिकाराम परियार, निमा खड्का र गौरी डाँगीले नेकपा (एकीकृत समाजवादी) मा प्रवेश गर्नुभएको हो । नवप्रवेशीहरूलाई नेकपा एकीकृत समाजवादीका उपमहासचिव तथा संघिय प्रतिनिधि सभा सदस्यका बाम लोकतान्त्रिक गठवन्धनका साझा उम्मेदवार प्रकाश ज्वालाले टिका र माला लगाएर पार्टीमा स्वागत गर्नुभएको छ ।