राप्ती लोकमार्ग अन्तर्गत अवरुद्ध दाङ सल्यान सडक विहान देखी सुचारु

सल्यान, २४ असार ।
पहिरोका कारण अवरुद्ध बनेको राप्ती लोकमार्ग अन्र्तगत दाङ सल्यान सडक विहान देखी सुचारु भएको छ । शनिबार दिउँसोतीर सल्यानको कपुरकोट गाउँपालिका ३ चोरखोलामा सडकमाथि बाट एक्कासी ठुलो पहिरो झरेपछि राप्ती लोकमार्ग अवरुद्ध भएको हो ।

सडक डिभिजन कार्यालय दाङको जेसीबीको सहायताले पहिरो हटाउने प्रयास गरिए पनि ढुंगासहित खसेको पहिरो भएकाले राति अवेरसम्म सडक खुलाउन नसकिए पनि विहान ७ वजेदेखी भने सडक सुचारु भएको छ ।

अहिले चापमा सवारीसाधन सञ्चालन भैरहेका छन् । राप्ती लोकमार्ग अवरुद्ध हुँदा सयौँ सवारी साधन र यात्रुहरू सडकमा अलपत्र परेका थिए । पहिरो हटाइरहे पनि माथिबाट ढुंगामाटो खस्ने क्रम जारी हुदा समस्या भएको थियो ।