जन्मदिनको अवसरमा शिक्षक वलीले गरे आफ्नै बिद्यालयमा बृक्षारोपण

सल्यान, १८ साउन ।
सल्यानको शारदा नगरपालिका– ५, तल्लो मार्केमा रहेको जनकल्याण प्राथमिक विद्यालयमा कार्यरत सहायक प्रधानाध्यापक कृष्ण बहादुर वलीले आफ्नो ३८ औँ जन्मोत्सवको अवसरमा बृक्षारोपण गर्नुभएको छ । आफ्नै बिद्यालयमा उहाँले शुक्रवार ५ दर्जन बढी बिरुवा रोप्नुभएको हो ।

जसमा लिप्टिस ३८ वटा, कागती १ वटा, आँप २ वटा, एभोकार्ड १ वटा, अनार १ वटा, धुपि सल्लो ७ वटा, कपुर ५ वटा, गोलमोल २ वटा र अमलाका २ वटा बिरुवा रोप्नुभएको हो ।

बृक्षारोपण गर्दा बिद्यालय वरिपरीको वातावरण पनि सुन्दर हुने र बृक्षारोपण कार्यमा बिद्यार्थीलाई पनि प्रोत्साहित गर्ने हेतुले बृक्षारोपण गरिएको शिक्षक वलीले जानकारी दिनुभयो ।